◾️ शिवसेना युवासेनेचा पदाधिकारी असलेल्या सुमित पिंपळेने उद्योजकांचे 1 कोटी 28 लाख केले परस्पर लंपास
पालघर दर्पण: हेमेंद्र पाटील
बोईसर: शिवसेना सत्तेवर असल्याने पक्षाच्या मंत्र्यांचे नाव वापरून सद्या औद्योगिक क्षेत्रात कार्यकर्तांनी धुमाकूळ घातला आहे. असाच प्रकार बोईसर मध्ये घडला असून तारापुर औद्योगिक क्षेत्रातील एका उद्योजकाला युवासेनेच्या पदाधिकाऱ्यांने कोट्यवधी रूपयाचा गंडा घालत पैसे परस्पर लंपास केले आहेत. याबाबत उद्योजकांने तक्रार केल्यानंतर स्थानिक गुन्हे शाखेच्या बोईसर युनिटने चौकशी साठी ताब्यात घेत नंतर राजकीय दबावाखाली येत तक्रारदार यांच्या सोबत तडजोड करावी याठिकाणी सोडून दिले आहे.
तारापुर औद्योगिक क्षेत्रातील एका उद्योजका कडून कोट्यवधी रूपयाच्या मशीन भंगार भावाने विक्री साठी काढण्यात आल्या होत्या. शिवसेना युवासेनेचा पालघर विधानसभा उपजिल्हा युवा अधिकारी सुमित पिंपळे यांने उद्योजकाच्या मशीन विक्री करून देतो यासाठी सौदा केला होता. या सौद्यात दलाली म्हणून साधारण 68 लाख रूपये पिंपळे यांना मिळणार होते. मात्र सुमित पिंपळे यांची नियत खराब झाल्यावर त्यांने उद्योजकाला मशीन साठी देण्यात येणारे सुमारे 1 कोटी 28 लाख देखील आपल्या साथीदाराच्या मदतीने परस्पर लंपास केले. उद्योजकांने मशीनच्या पैशा बाबत विचारना केली असता पिंपळे यांने राजकीय दबाव आणण्याचा प्रयत्न केला असल्याचे समोर आले होते. उद्योजकाला आपली फसवणूक झाल्याचे लक्षात आल्यानंतर त्यांने स्थानिक गुन्हे शाखेच्या बोईसर युनिटला वसुली करण्याची जबाबदारी देत तक्रार दाखल केली. याच तक्रारीवर स्थानिक गुन्हे शाखेच्या अधिकाऱ्यांनी सुमित पिंपळे यांना चौकशी साठी ताब्यात घेतले होते.
बोईसर स्थानिक गुन्हे शाखेच्या अधिकाऱ्यांनी युवासेनेच्या पिंपळे यांना चौकशी साठी 17 डिसेंबर 2021 रोजी दुपारी 3 वाजताच्या सुमारास ताब्यात घेतले होते. त्यानंतर या फसवणूक करणाऱ्या महाशयांवर कारवाई होऊ नये यासाठी बोईसर मधील शिवसेनेचे हताश असलेले नेते मंडळी गुन्हे शाखेच्या कार्यालयाबाहेर तळ ठोकून बसले होते. विशेष म्हणजे ठाण्यावरून देखील मायबाप असलेल्या नेत्यांचे राजकीय दबावाचे फोन स्थानिक गुन्हे शाखेच्या अधिकाऱ्यांवर आणल्यानंतर रात्री उशिरा सुमित पिंपळे यांना सोडून देण्यात आले. यासर्व नाट्यमय घटनेबाबत अधिक तपशील स्थानिक गुन्हे शाखेच्या अधिकाऱ्यांने देण्यासाठी नकार दर्शविला होता. यावेळी शिवसेनेचे बोईसर विधानसभा संघटक निलम संखे, शहर प्रमुख मुकेश पाटील यांच्या सह मोठ्या संखेने कार्यकर्ते उपस्थित होते.
◾️ कोट्यवधी रूपयाच्या फसवणुकी बाबत तक्रार दाखल असताना देखील आजवर गुन्हा दाखल झालेला नसून राजकीय दबावाखाली पोलिस नेमका काय तपास करणार असा सवाल उपस्थित केला जात आहे. महत्त्वाचे म्हणजे शिवसेनेची मलीन होत असलेली प्रतिमा बोईसर मध्ये राहावी यासाठी प्रसार माध्यमांवर आलेल्या बातम्या खोट्या असल्याचा केविलवाणा प्रयत्न सुमित पिंपळे व त्यांच्या हताश नेत्यांन कडून केला जात आहे.
◾️स्थानिक गुन्हे शाखाने घेतली होती का 1 कोटी 28 लाख वसुलीची जबाबदारी
उद्योजकांने तक्रार दाखल केल्यानंतर सर्व पुरावे हे बोईसरच्या स्थानिक गुन्हे शाखेच्या अधिकाऱ्यांन कडे होते तर त्यांनी गुन्हा दाखल का केला नाही असा सवाल उपस्थित केला जात आहे. यातच चौकशीच्या दबाव आणुन राजकीय दबावाखाली येवुन गंभीर प्रकरणात सुवर्णमध्य काढण्याचे काम नेमकी कोणी केले हा देखील चौकशीचा विशेष आहे. या प्रकरणावरून मात्र राजकीय दबावाखाली येवून पोलिस विभाग आरोपींना कशी मोकळीक देत याचे उत्तम उदाहरण आहे
◾️ ठाण्याच्या फाटकांन समोर झाला समझोता
सुमित पिंपळे यांना वाचवण्यासाठी बोईसरचा फौजफाटा 18 डिसेंबर रोजी ठाण्याच्या फाटका समोर दाखल झाला. यावेळी उद्योजकला बोलवून तडजोड करण्याचा प्रयत्न करण्यात आल्याची खात्रीशीर माहिती समोर आली आहे. यामध्ये दोन दिवसात पैसे देण्याचे देखील मान्य केल्याची चर्चा बोईसर मध्ये राजकीय वर्तुळात रंगली आहे. यामुळे ठाण्याच्या फाटका समोरचा समझोता खरा की नुसती उडती उडती चर्चा यावर येणाऱ्या दोन दिवसात शिक्कामोर्तब होईल.
