◾ कारखानदाराकडून बेकायदेशीर पणे साठवून ठेवलेल्या रासायनिक घनकचऱ्याला भिषण आग
पालघर दर्पण: प्रतिनिधी
बोईसर: तारापूर औद्योगिक क्षेत्राच्या बाहेर असलेल्या विराज कारखान्यांच्या बेकायदेशीर पणे साठवून ठेवलेल्या रासायनिक घनकचऱ्यांला भिषण आग लागली. अचानक लागलेल्या आगीचा भडका जोराने वाढल्याने संपूर्ण भागात आग पसरली. आगीवर नियंत्रण आणण्यासाठी अग्निशमन दलाचा बंब घटनास्थळी दाखल झाला आहे.
बोईसर पुर्वेकडे बेटेगाव ग्रामपंचायत हद्दीत असलेल्या विराज प्रोफाईल कारखान्यांच्या बेकायदेशीर साठवून ठेवलेल्या रासायनिक घनकचऱ्याला सोमवारी दुपारी अचानक आग लागली. विराज प्रोफाइल या लोखंडावर प्रक्रिया करणाऱ्या कारखान्यातुन निघणारा रासायनिक घनकचरा बोईसर पुर्वेकडील असलेल्या 25 एकर भागात साठवून ठेवला जातो. यामध्ये खराब झालेले आँईल, प्लास्टिक व सांडपाणी प्रक्रिया केंद्रातून निघाला रासायनिक गाळ बेकायदेशीर पणे साठवणूक केला जात आहे. सोमवारी लागलेल्या आगीमुळे धुराचे लोट बाजूला असलेल्या गावात जाऊन नागरीकांना धुराचा त्रास झाला होता. विराज प्रोफाइल कारखान्याच्या 25 एकर जागेवर बेकायदेशीर साठवून ठेवलेल्या जागेवर दोन वर्षांपूर्वी देखील मोठ्या प्रमाणात आग लागली होती. मात्र कारखान्यावर कोणत्याही प्रकारची ठोस कारवाई केली गेलेली नाही.
