◾जतीन संखेंच्या विरार मधील अल्युर थाई स्पा सेंटर मधील प्रकार उघडकीस
◾बोईसर मध्ये देखील दोन ठिकाणी सुरू आहेत याच मालकांचे स्पा सेंटर
पालघर दर्पण: हेमेंद्र पाटील
बोईसर: स्पा सेंटरच्या नावाखाली सेक्स रॅकेट चालवले जात असल्याचे अनेकदा दिसून आले आहे. विरार पश्चिमेला असलेल्या स्पा मसाजच्या नावाखाली चालणाऱ्या वेश्या व्यवसायावर बुधवारी सायंकाळी छापा टाकून अनैतिक मानवी वाहतूक शाखेने सेक्स रॅकेटचा पर्दाफाश केला होता. याच मालकांचे बोईसर मध्ये देखील दोन ठिकाणी स्पा सेंटर सुरू असून अनधिकृत कामे करण्यामध्ये माहिर असलेल्या मालकांचा खरा चेहरा समोर आला आहे.
बोईसर येथील स्पा सेंटर चालवणारे व राजकीय मंडळींन सोबत चांगले संबंध असलेल्या जतीन संखे यांचे विरार पश्चिमेकडील तिरुपती नगरमधील पूनम प्लाझा या इमारतीत अल्युर थाई स्पा नावाचे स्पा सेंटर आहे. याठिकाणी स्पामध्ये वेश्या व्यवसाय सुरू असल्याची माहिती अनैतिक मानवी वाहतूक शाखेच्या पोलिसांना मिळाली या माहितीच्या आधारे पोलिसांनी सापळा रचून बुधवारी सायंकाळी पावणेपाच च्या दरम्यान तीन हजार रुपये देऊन बोगस गिऱ्हाईक पाठवले. पोलिसांना खात्री झाल्यावर त्या ठिकाणी छापा टाकून आरोपींकडून बोगस गिऱ्हाईकाने दिलेले तीन हजार रुपये स्वीकारल्याचे आढळून आले होते. याबाबत अर्नाळा पोलिस ठाण्यात आरोपी प्रियेश सावंत व मालक जतीन संखे यांच्यावर गुन्हा दाखल करण्यात आला आहे. विशेष म्हणजे आरोपी प्रियेश सावंत(२५) आणि जतिन संखे या दोघांनी पीडित तरुणीला पैशांचे आमिष दाखवून वेश्या व्यवसाय चालवल्याचे आढळून आले होते. पोलिसांनी विरार आणि नायगाव परिसरात राहणाऱ्या २३ते २६ वयोगटातील तीन पीडित तरुणींची सुटका करून फक्त आरोपी प्रियेश सावंत याला अटक केली आहे.
राजकीय वरदहस्त असलेला व पालघरचे खासदार राजेंद्र गावित यांचा हितचिंतक असलेला स्पा सेंटरचा मालक जतीन संखे याला पोलिस अजूनही अटक केलेली नाही. उपस्थित राहणारा प्रश्न म्हणजे ज्यावेळी ही कारवाई केली त्यावेळी मालक जतीन संखे त्याठिकाणी उपस्थित होता तर अटक का केली नाही. हा प्रश्न देखील समोर येत आहे. महत्त्वाचे म्हणजे राजकीय नेत्यांना सोईसुविधा पुरविण्यात अग्रेसर असलेल्या स्पा सेंटरच्या मालकांवर कठोर कारवाई करून त्यांच्या इतरही स्पा सेंटरचे रँकेट उघड करण्याची मागणी जोरधरू लागली आहे. याच मालकांचे बोईसर मधील ओस्तवाल व यशवंतश्रुष्टी मध्ये देखील स्पा सेंटर सुरू आहे. याठिकाणी ज्यावेळी एखादा पुरूष गिराईक स्पा मजाच करण्यासाठी येतो तेव्हा याठिकाणी असलेली महिला मसाज करण्यासाठी जाते. यातच महिलांना मसाज करण्यासाठी पुरूष देखील जात असल्याची खात्रीशीर सुत्रांकडून माहिती मिळाली आहे. यामुळे याठिकाणी नेमके चालते काय हा तपासाचा भाग आहे. विरार पोलिसांनी केलेल्या कारवाई मुळे स्पा सेंटर मध्ये वेश्या व्यवसाय चालवणाऱ्या जतीन संखे यांचा मुखवटा समोर आला आहे.
◾ संखेच्या बोईसर येथील स्पा सेंटर मध्ये कोणाकोणाचे झाले पुर्ण मसाज…
राजकीय नेत्यांन सोबत अतिशय व्यवहारिक हितसंबंध असलेल्या जतीन संखे यांचे बोईसर मध्ये देखील स्पा सेंटर जोमात सुरू आहे. याठिकाणी मोठमोठे राजकीय मंडळी आपला थकवा दुर करण्यासाठी येत असतात. मात्र आता विरार मध्ये स्पा सेंटर मध्ये वेश्या व्यवसाय सुरू असल्याचे उघड झाल्यामुळे बोईसर मधील सुरू असलेल्या स्पा सेंटर कडे वेगळ्याच नजरेने लोकांनी पाहणे सुरू केले आहे. महत्त्वाचे म्हणजे याच जतीन संखे यांना स्वयंम घोषीत पर्यावरण वादी एकाचा नेहमीच हातभार असल्याने या संपूर्ण प्रकरणाची चौकशी केल्यास पोलिसांना मोठे धागेदोरे मिळण्याची शक्यता आहे.
◾ शिवसेना खासदार राजेंद्र गावित यांच्या एका संस्थेत जतीन संखे हा पदाधिकारी असल्याचे समोर आले होते. नाशिक येथे सुरू करण्यात येणाऱ्या काँलेज मध्ये देखील जतीन याचा सहभाग असल्याची चर्चा होती. यामुळे जतीन संखे यांच्या वर कारवाई होऊन नये यासाठी राजकीय दबाव असल्याची चर्चा समोर आली होती. याबाबत अधिक माहिती विचारण्यासाठी राजेंद्र गावित यांना संपर्क साधला असता त्यांनी स्पा सेंटर कारवाई हा प्रश्न जतीन यांचा वैयक्तिक असल्याचे उत्तर देत अधिक काही सांगितले नाही.
