◾️उपविभागीय पोलिस अधीक्षक नित्यानंद झा यांनी केली कारवाई; पोलिसांच्या नजरेखाली सुरू असलेल्या अवैध धंद्यावर अखेर कारवाई
पालघर दर्पण: विशेष प्रतिनिधी
बोईसर: शहरात गेल्या अनेक वर्षांपासून पोलिसांच्या नजरेसमोर मोठ्या प्रमाणात गुटखा विक्री केला जात होता. मात्र बोईसरचा पदभार घेतलेल्या पोलिस अधीक्षक यांनी येथील गोदामावर कारवाई करत पोलिसांन सह अनेकांना जोरदार धक्का दिला आहे. बोईसर भंडारवाडा याठिकाणी असलेल्या सुशिला शाँपिंग सेंटर मध्ये ही कारवाई झाली असून छापा टाकल्या नंतर मोठा फौजफाटा याठिकाणी बोलवण्यात आला आहे.
महाराष्ट्रात गुटखा बंदी असताना बोईसर मध्ये गुजरात राज्यातून मोठ्या प्रमाणात गुटखा येतो. असे असले तरी स्थानिक पोलिस कधीही कारवाई करताना दिसत नाही. मात्र अशा माफियांवर कारवाई व्हावी यासाठी पालघर दर्पण राजतंत्र टिम देखील पाठपुरावा करत होती. स्थानिक पोलिसांचे यामध्ये हात असल्याचे अनेकदा दिसून आल्यावर खात्रीशीर सुत्रांनी बोईसरचे उपविभागीय पोलीस अधीक्षक नित्यानंद झा यांना गुटखा गोदामा बाबत माहिती दिल्यानंतर शनिवारी सकाळी 9:30 च्या दरम्यान याठिकाणी छापा मारून धडक कारवाई करण्यात आली. छापा मारताना उपविभागीय पोलीस अधीक्षक यांनी गुप्तता पाळत छापा टाकल्यानंतर तारापुर येथील सहाय्यक पोलिस निरीक्षक व त्यांच्या टिमला बोलवण्यात आले. याठिकाणी इमारती मधील सर्व गोदामाची तपासणी सुरू आहे.