■ ट्विट करून साधला ठाकरे सरकारवर निशाणा.
पालघर दर्पण, प्रतिनिधी
उद्योगपती अंबानी यांच्या घराजवळ स्फोटके सापडली. त्यानंतर स्फोटके असलेली गाडीचा मालक मुंब्र्यात मृत अवस्थेत आढळला. त्यानंतर तपास सुरू असताना सचिन वाझे यांना अटक त्यामुळे सचिन वाझे हे प्रकरण खूपच चर्चेचा विषय बनला असून अनेक भाजपचे नेते यावर भाष्य करत आहेत. यामध्ये ठाकरे सरकार वर जोरदार टीका केली जात आहे. भाजपचे नेते देवेंद्र फडणवीस यांची पत्नी अमृता फडणवीस यांनी देखील ट्विट करून ठाकरे सरकारवर टीका केली आहे.
अमृता फडणवीस ट्विट मध्ये म्हणाल्या की, एकीकडे जिथे नागपूर सारख्या शहरामध्ये करोना रुग्णांना हॉस्पिटलमध्ये भरती करण्यासाठी जागा नाही. तर दुसरीकडे महाराष्ट्र सरकार कोविड सेंटरमधुन भ्रष्टाचार करत आहे. तसेच उदयोगपतींना घाबरवुन त्यांच्याकडून वसुली करण्याची योजना आपल्याच काही हस्तकांसोबत मिळून करत आहे. असे ट्विट करून अमृता फडणवीसांनी ठाकरे सरकारवर निशाणा साधला.
