चार ते पाच तास वाहतूक कोंडी
पालघर दर्पण, वार्ताहर
नालासोपारा : मुंबई अहमदाबाद राष्ट्रीय महामार्गावर पहाटे साडे तीन वाजताच्या सुमारास सकवार येथे मुंबई अहमदाबाद राष्ट्रीय महामार्गावर दोन कंटेनर आणि एका ट्रक चा भीषण अपघात झाला. गुजरात लेनवर हा अपघात झाला असून एक वाहन चालक गंभीर जखमी असून सुदैवाने जीवित हानी झाली नाही.
विरार येथील सवकार पेट्रोल पंपासमोर पहाटे साडे तीन वाजताच्या सुमारास दोन कंटेनर मध्ये भीषण अपघात झाला त्यानंतर पूट्ट्याने भरलेला ट्रक अपघातग्रस्त कंटेनर वर जाऊन आदळला. त्यात स्पार्क होऊन तिन्ही वाहनांना भीषण आग लागून वाहनांचे मोठे नुकसान झाले आहे. मुंबईहून गुजरात कडे जाणाऱ्या लेनवर एक ते दोन किलोमीटर पर्यंत वाहतूक ठप्प झाली आहे. तर गुजरात वरून मुंबईच्या दिशेची वाहतूक सुरळीत सुरू आहे. घटनास्थळी दाखल झालेल्या अग्निशमन दलाच्या गाड्या आणि विरार पोलीस यांनी आगीला नियंत्रणात आणून , वाहतूक सुरळीत करण्याचे काम सुरू केले आहे. यात एक ट्रक चालक गंभीर जखमी झाला असून, कोणतीही जीवित हानी झाली नाही.
◾चार ते पाच तास वाहतूक कोंडी
या भीषण अपघातामुळे मुंबईहुन गुजरातच्या दिशेने जाणाऱ्या प्रवाश्यांचे हाल झाले. प्रवासी हे चार ते पाच तास वाहतूक कोंडतच अडकून होते.
सकवार येथे झालेल्या दुर्घटनेमुळे गुजरात वाहिनीवर नालासोपारा फाट्यापर्यंत वाहनांच्या भल्या मोठ्या रांगा लागल्या आहेत. यात अनेकजण अडकून पडले असून आपले कामाचे ठिकाण गाठण्यासाठी चाकरमानी खोळंबळे आहेत. महामार्ग पोलिसांकडून येथे झालेल्या दुर्घटनेमुळे झालेली वाहतूक कोंडी सोडवण्याच्या प्रयत्नात आहेत .
घटनास्थळी महामार्ग पोलीस व स्थानिक विरार पोलीस घटनास्थळी दाखल झाले असून वाहनांना हटवून वाहतूक कोंडी सोडविण्याचे शर्तीचे प्रयत्न सुरू आहेत.
