पालघर दर्पण: वार्ताहर
मनोर: आठवड्याच्या शेवटच्या दिवशी महामार्गालगतच्या गांजे ढेकाळे ग्रामपंचायत हद्दीतील वांद्री धरणावर येणाऱ्या हौशी पर्यटकांची संख्या वाढली आहे. रविवारी (ता.13) पहाटे सहा वाजताच्या सुमारास वांद्री धरणाकडे जाणारी पर्यटकांची भरधाव कार जानसई ओढ्याच्या पुलाच्या कठड्याला धडकली आणि पुलाचा कठडा तोडून ओढ्यात पडली. या अपघातात कार मधील तीन पर्यटक जखमी झाले असून यात एका अल्पवयीन मुलाचा समावेश आहे. त्यांना उपचारासाठी मनोरच्या ग्रामीण रुग्णालयात दाखल करण्यात आले आहे. अपघात ग्रस्त कार चालक मद्यधुंद असल्याने अपघात झाला. तसेच कार मधून मद्याचा बाटल्या आढळून आल्याची माहिती प्रत्यक्षदर्शींनी दिली.
