◾राज्यातील ७ जिल्यात डिझेलचा दर ८०च्या वर; तर १९ जिल्ह्यात पेट्रोलचा भाव ९० पार
पालघर दर्पण, विशेष प्रतिनिधी
मुंबई : कोव्हीड १९ या महामारीमुळे नागरिक त्रासलेले असून आता पेट्रोल व डिझेलच्या दर वाढल्यामुळे नागरिकांच्या त्रासात भर पडली आहे. महामारी, लॉकडाऊन यामुळे नागरिकांना आर्थिक चणचण भासत आहे. नागरिक कशीबशी आपली आर्थिक घडी बसवू पाहत आहेत. मात्र आता पेट्रोल व डिझेल दर वाढीमुळे आर्थिक घडी विस्कटून नागरिकांच्या डोक्याला ताण निर्माण होणार आहे. दिवसेंदिवस पेट्रोल व डिझेलच्या दरात वाढ होत असून राज्यातील ७ जिल्ह्यात डिझेलचा दर ८०च्या वर गेला असून पेट्रोलचे दर ९० पेक्षा जास्त झाले आहे.
सरकारी ऑइल कंपन्यांनी डिझेल व पेट्रोलचे दर वाढवले असल्याचे काल ४ डिसेंबर रोजी जाहीर केले होते. त्यामुळे डिझेल मध्ये १८ ते २० पैशांची वाढ झाली होती तर पेट्रोलमध्ये १५ ते १७ पैशांने वाढ झाली होती. मात्र त्या दरांमध्ये आज पुन्हा वाढ झाली आहे. मुंबईत डिझेलचा दर २४ पैशांनी वाढला असून एका लिटरचे ७९.६६ किंमत आहे. तसरच पेट्रोलमध्ये देखील १९ पैशांची वाढ झाली आहे वएका लिटरचा दर 89.33रुपये इतका आहे. तसेच नागपूर, परभणी, नांदेड, सोलापूर, अमरावती आणि बुलढाणा या जिल्ह्यांमध्ये एका लिटर पेट्रोलचा दर ८० रुपयांपेक्षा जास्त गेला आहे. तर परभणीत पेट्रोलचा दर सर्वाधिक असून एका लिटर मागे ९१,९५ रुपये इतका आहे. महामारीच्या काळात दिवसेंदिवस पेट्रोल व डिझेल दर वाढीमुळे नागरिकांमधून नाराजी व्यक्त केली जात आहे.
पेट्रोल डिझेलचे दर दिवसेंदिवस बदलत असल्याने नागरिकांमध्ये तारांबळ होते. त्यामुले घर बसल्या पेट्रोल व डिझेलच्या किमती बाबत माहिती एसएमएस द्वारे माहिती उपलब्ध आहे. इंडियन ऑइलच्या वेबसाईडनुसार आरएसपी आणि तुमचा सिटी कोड ९२२४९९२२४ या क्रमांकावर पाठवल्यानंतर शहरातील पेट्रोल व डिझेल दरांची माहिती उपलब्ध होईल.
