पालघर दर्पण: वार्ताहर
पालघर : टेंभोडे येथे जिल्हा क्रीडा संकुलसाठी सरकारकडून १६ एकर जागा मंजूर करण्यात आली असून त्या जागेवर किमान राष्ट्रीय व आंतरराष्ट्रीय दर्जाचे क्रीडा सुविधा निर्माण करण्यात येतील. अशी माहिती जिल्हा अधिकारी माणिक गुरसळ यांनी दिली आहे.
पालघर येथे तालुका क्रीडा संकुल असावे यासाठी पालघर तालुका क्रीडा संकुल समितीने १६ एकर जागेची मागणी केली. यासाठी आमदार श्रीनिवास वनगा जिल्हा क्रीडा अधिकारी शरद कलावती, सदस्य पी. एम. पाटील यांनी पाठपुरावा करून सर्व प्रकारचे ना हरकत दाखले जिल्हा अधिकाऱ्यांन कडे सादर केल्यानंतर जिल्ह्यधिकारी माणिक गुरसळ उपविभाग महसूल अधिकारी धनाजी तोरस्कर तहसीलदार सुनील शिंदे जिल्हा पोलिस अधीक्षक दत्तात्रय शिंदे आदी अधिकाऱ्यांने जागेची पाहणी केली. जागेच्या पाहणीनंतर जिल्हा क्रीडा संकुलसाठी जागा योग्य असल्याचे त्यांच्याकडून सांगण्यात आले. त्यानंतर जिल्हाधिकारी माणिक गुरसळ यांनी गट क्रमांक ६७/६८ मधील जमीन जिल्हा क्रीडा संकुलसाठी मंजूर केला. या ठिकाणी आंतरराष्ट्रीय दर्जाचे जिल्हा क्रीडा संकुल तयार केले जाईल, असेही जिल्हा अधिकाऱ्यांनी सांगितले.
