पालघर दर्पण, प्रतिनिधी
मुंबई : गेल्या काही दिवसांपासून उर्मिला मातोंडकर या शिवसेनेत प्रवेश करणार असल्याच्या चर्चा सुरू होत्या. त्याच बरोबर सोमवारी ३० नोव्हेंबर रोजी खासदार संजय राऊत यांनी उद्या मातोंडकर या शिवसेनेत प्रवेश घेणार असे देखील सांगितले होते. त्या चर्चा खऱ्या ठरल्या असून उर्मिला मातोंडकर यांनी काँग्रेसला रामराम ठोकत शिवसेनेत प्रवेश केला आहे.
उर्मिला मातोंडकर यांनी आज शिवसेनेत प्रवेश केला आहे. मुख्यमंत्री उद्धव ठाकरे यांच्या उपस्थितीत मातोश्री वर रश्मी ठाकरे यांनी उर्मिला मातोंडकर यांच्या हातावर शिवबंधन बांधले. त्या दरम्यान पर्यावरण मंत्री आदित्य ठाकरे, उद्योग मंत्रीस सुभाष देसाई, मुंबई महापौर किशोरी पेडणेकर, शिवसेना सोचिव आदेश बांदेकर, खा. प्रियांका चतुर्वेदी उपस्थित होत्या. सोमवारी संजय राऊत यांनी उर्मिला मातोंडकर शिवसैनिकच आहेत असे म्हणून विधानपरिषदेच्या राज्यपालनियुक्त १२ सदस्यांमध्ये शिवसेनेने आपल्या कोट्यातून उर्मिला मातोंडकर याना आधीच उमेदवारी दिली आहे असे देखील सांगितले होते.
