◾देवदर्शन करून परतत असताना झाला भीषण अपघात; कुटुंबावर काळाने घातला घाला
प्रतिनिधी
बोईसर: मुंबई अहमदाबाद राष्ट्रीय महामार्गावर भीषण अपघात झाला असून अपघातात चालकासह तीन ठार तर नऊ जखमी झाले आहेत. एकविरा दर्शनावरून परतणाऱ्या इको कारला मुंबई अहमदाबाद महामार्गावर आवंढाणी गावच्या हद्दीत रविवार सायंकाळी साडे पाच वाजताच्या सुमारास अपघात झाला आहे.
मुंबई अहमदाबाद राष्ट्रीय महामार्गावर सती माता हॉटेल समोर गुजरात मार्गिकेवरील भरधाव इको कारने कंटेनरला धडक दिल्याने रविवारी 21 नोव्हेंबर रोजी सायंकाळी अपघात झाला. अपघातात हेमंत तरे (वय.60),सुषमा आरेकर (वय.32)चालक राकेश तमोरे (वय.42) यांचा मृत्यू झाला आहे. इको कार मधील प्रवाशी पालघर तालुक्यातील दांडी गावचे रहिवासी आहेत.मृतात एका महिलेचा समावेश असून जखमींना महामार्गावरील खाजगी रुग्णालयात दाखल करण्यात आले आहे.
