पालघर दर्पण: वार्ताहर
विक्रमगड: विक्रमगड – पाली मार्गावरील वाकडुपाडा येथे बस आणि कंटेनर यांच्यात अपघात झाला असून झाला असून या अपघातात ११ जण जखमी झाले आहेत.
जव्हार-विक्रमगड-वाडा ही बस क्र.एमएच ०४ जी.एफ.३९७४ गुरूवारी रात्री ७.४५ च्या दरम्यान विक्रमगड कडून वाड्याच्या दिशेने येत असताना वाकडूपाडा येथे समोरून येणाऱ्या वाहन क्र. एम एच १४ बी.टी.४५७३ या कंटेनरने धडक दिल्याने मोठा अपघात घडला. कंटेनर चालकासह बस चालक आणि इतर ११ जण जखमी झाले असून यामध्ये चार प्रवासी गंभीर जखमी आहेत. बस चालकाच्या पायाला जास्त मार लागला असून जखमींना विक्रमगड मधील ग्रामीण रुग्णालयात दाखलकरण्यात आले आहे.
