◾ नागझरीच्या स्टाँप ओव्हर हाँटेल मध्ये होते चद्दर बदली; 25 ते 28 वयोगटातील मुलींचा मोठा सहभाग
◾नागझरी येथील हाँटेल मध्ये अल्पवयीन मुलींना देखील दिला जातो प्रवेश; बोईसर मधील नामांकित लोकांनी रेलचेल
पालघर दर्पण: हेमेंद्र पाटील
बोईसर: औद्योगिक नगरी असलेल्या बोईसर मध्ये अनधिकृत धंद्यांन सोबत आता सेक्स रँकेटचा देखील जोर वाढला आहे. येथील हायप्रोफाईल सुरू असलेल्या सेक्स रँकेटचा मोठा गोरखधंदा जोमाने सुरू असून नागझरी येथील चद्दर बदली हाँटेल मध्ये गैरकृत्य केले जात असल्याचे दिसून आले आहे. कंपन्यातील मँनेजर असो किंवा एखादा समाजातील छोटा मोठा नेता या सर्वांना नागझरीच्या या विशेष हाँटेलचे वेध लागलेले आहेत. यातच याच ठिकाणी अल्पवयीन मुलींना देखील प्रवेश दिला जात असल्याचे धक्कादायक प्रकार समोर आला आहे.
बोईसर शहरात आजकाल कोणत्याही गोष्टींची कमतरता रंगीला लोकांना भासत नसून याठिकाणी गैरप्रकारांचे प्रमाणात वाढत चालले आहे. याभागात हायप्रोफाईल सेक्स रँकेटचा मोठा गोरखधंदा सुरू असून याचे थेट कनेक्शन नागझरी येथील स्टाँप ओव्हर हाँटेल पर्यंत आहे. हाँटेल व्यवसायात चद्दर बदली हा शब्द खुप प्रख्यात असून अशा हाँटेलचे पोलिसांन सोबत देखील चांगले संबंध असतात. याठिकाणी हाँटेल मध्ये तास किंवा जास्तीत जास्त दोन तासांच्या विश्रांतीसाठी येणाऱ्या ग्राहकाला विशेष सवलती दिल्या जातात. यातच नियमानुसार येणाऱ्या ग्राहकांना रजिस्टर मध्ये आपल्या नावाचा उल्लेख करावा लागतो. मात्र याठिकाणी सोबत असलेल्या व्यक्तींचा उल्लेख केला जात नाही. असे प्रकार बोईसर चिल्हार मुख्य रस्त्यावर असलेल्या नागझरी येथे असलेल्या स्टाँप ओवर हाँटेल मध्ये रोजच घडत आहेत. मात्र संबंधित विभाग याकडे कोणत्याही प्रकारची कायदेशीर कारवाई कधीही करत नाही.
नागझरी येथील स्टाँप ओव्हर हाँटेल राजेश गट्टी नावाच्या इसमांने चालवण्यासाठी भाडेतत्त्वावर घेतले आहे. या हाँटेलच्या लाँच वर रोजच गोरखधंदे मोठ्या प्रमाणात सुरू असून बोईसर येथील हायप्रोफाईल लोक याठिकाणी मुलींना घेवून येत असल्याचे दिसून आले आहे. विशेष म्हणजे या मुलींचा उल्लेख रजिस्टर मध्ये केला जात नसून बेकायदेशीर कृत्य याठिकाणी रोजच केली जातात. हायप्रोफाईल असलेल्या काही मुलींना याठिकाणी आणले जात असून कारखान्यांचे मँनेजर ते काही लहान मोठे नेते देखील या चद्दर बदली कार्यक्रमात अग्रेसर आहेत. सुप्रीम कोर्टाच्या निर्णयानुसार 18 वर्षा वरील कोणतीही मुलगी स्वतः च्या मर्जीने एखाद्या मुला सोबत हाँटेल मध्ये राहु शकते असे असले तरी याठिकाणी नियमांचे उल्लंघन केले जात आहे. काँलेज मध्ये तरूण तरूणी यात अल्पवयीन मुलींना देखील मैत्री व प्रेमाच्या नावाखाली याठिकाणी आणले जाते. यामुळे अशा हाँटेलवर कारवाई करण्याची मागणी स्थानिकांन कडून केले जात आहे.
◾बोईसर मध्ये छुप्या पध्दतीने हायप्रोफाईल सेक्स रँकेट सुरू असून दुपारच्या वेळी या मुली आपल्या घरातून बाहेर पडत असून आपल्या संपर्क असलेल्या इसमासोबत थेट नागझरी येथील स्टाँप ओव्हर हाँटेलच गाठले जाते. त्याठिकाणी दारू व इतर नशा झाल्या नंतर बंद दाराआड नेमके काय घडते हा संशोधनाचा विषय आहे. विशेष म्हणजे हजारो रूपये याठिकाणी मोजले जातात.
◾ मुलीला ठेवले होते डांबून
मागील महिन्यात डहाणू तालुक्यातील दाभोण येथील एका मुलीला बळजबरीने नागझरी येथे असलेल्या स्टाँप ओव्हर हाँटेल मध्ये डांबून ठेवले होते. रात्रीभर तिच्यावर शारीरिक अत्याचार केल्याचा आरोप तिच्या घरच्यांनी केला आहे. याच मुलीने त्यानंतर विश पिऊन आत्महत्या देखील केली आहे. असा गंभीर प्रकार घडला असताना आणि तक्रार दाखल असताना देखील येथील हाँटेलची कोणत्याही प्रकारची चौकशी घटनेला महिना उलटून जात असताना देखील आजवर झालेली नाही.
