■ चौकशी करून सर्वांशी बोलुन निर्णय घेतला जाईल; शरद पवार
पालघर दर्पण, प्रतिनिधी
मुकेश अंबानी यांच्या घराबाहेर स्फोटके असलेले वाहन आढळले. त्यानंतर वाहन मालकाचा मृत्यू त्यानंतर सचिन वाझे याना अटक झाली. व पुढे गृहमंत्री यांच्यावर परमबीर सिंह यांनी केलेले आरोप यामुळे राजकीय रिंगणात चर्चा सुरू असून राजकीय वातावरण तापल आहे. यावर गृहमंत्र्यांनी राजीनाम्याची मागणी विरोधक करत आहेत. मात्र गृहमंत्र्यांनी आरोप फेटाळले. अनेक जण आपआपली मतं व्यक्त करत असुन आता राष्ट्रवादी काँग्रेसचे अध्यक्ष शरद पवार यांनी या प्रकरणी भाष्य करण्यासाठी पत्रकार परिषद घेतली.
यामध्ये पवार म्हणाले की, देवेंद्र फडणवीस दिल्लीत गेल्यावर ते पत्र समोर आलं. हे संपूर्ण प्रकरण गंभीर आणि संवेदनशील बनत आहे. त्यामुळे याची एखाद्या चांगल्या अधिकाऱ्यांकडून चौकशी व्हावी. मुख्यमंत्र्यांनी याची चौकशी करावी. राज्यातील सरकार अस्थिर करण्याचा प्रयत्न होत आहे. मात्र महाविकासआघाडी सरकार स्थिर आहे. याचा कोणताही परिणाम सरकारवर होणार नाही.
तसेच परमबीर सिंग मलाही भेटले होते. पण त्यांनी फक्त त्यांच्या बदलीबद्दल म्हणणं मांडलं होतं. त्याचबरोबर माझ्या खात्यात राजकीय हस्तक्षेप होत असल्याचं म्हटलं होतं. त्यापलीकडे त्यांनीही मला काहीही सांगितलं नाही. पत्रकार परिषदेपूर्वीच माझं मुख्यमंत्री उद्धव ठाकरे यांच्याशी बोलणं झालं आहे. देशमुख यांच्याबद्दलचा निर्णय सर्वांशी बोलून व देशमुख यांनीही बाजू एकुन घेतला जाईल. यासंदर्भातील सर्व अधिकार मुख्यमंत्र्यांकडे आहेत. त्यांनी योग्य ती चौकशी करून निर्णय घ्यावा. मुख्यमंत्र्यांची भेट घेऊन चर्चा करणार आहे. असं शरद पवार यांनी सांगितलं.
