- कमी प्रवासी संख्येने वाहतूक करणे बंधनकारक असल्याने खर्च परवडत नाही; शासनाने आर्थिक मदत करण्याची रिक्षा चालकांची मागणी
पालघर दर्पण: प्रतिनिधी
बोईसर: करोनामुळे लागु झालेली टाळेबंदी यामुळे पहिलाच मेटाकुटीला आलेला रिक्षा चालत टाळेबंदी शिथिल झाल्यानंतर देखील अधिकच अडचणीत आला आहे. टाळेबंदी शिथिल झाल्यानंतर कमी प्रवाशी संख्या मध्ये रिक्षा चालकांना परवानगी दिली असली तरी रिक्षा चालकांना इंधन खर्च निघण्यासाठी कसरत करावी लागत आहे. यामुळे इतर राज्या प्रमाणे महाराष्ट्र शासनाने देखील आपल्याला आर्थिक मदत करावी अशी मागणी रिक्षा चालकांन कडून केली जात आहे.
रोजच रिक्षाने भरगच्च असलेले रस्ते 22 मार्च पासुन एकदमच रिकामे दिसू लागले. पंधरा पंधरा दिवसाने वाढत गेलेली टाळेबंदी आजवर सुरूच आहे. रिक्षा चालक व त्यांच्या कुटुंबियांना आर्थिक चणचणीला सामोरे जावे लागत आहे. टाळेबंदी शिथिल झाल्यानंतर आता या आर्थिक संकटातून बाहेर निघु कशी आशा रिक्षा चालकांना होती. मात्र शासनाने घातलेल्या अटी यामुळे अनेकांनी आपल्या रिक्षा बंदच ठेवणे पसंत केले. छोट्या रिक्षा मध्ये फक्त दोनच प्रवासी बंधनकारक असल्याने रिक्षा चालकांना इंधन खर्च काढण देखील कठीण होऊन बसले आहे. यातच शेकडो रिक्षा चालकांनी आपल्या रिक्षा बँक लोन वरती घेतल्या असून त्यांना सद्यस्थितीत तरी बँकेचे हप्ते भरण्यासाठी मुभा दिली असली तरीही मुदत संपल्यावर थकीत लोनचे हप्ते भरायचे कसे हा मोठा प्रश्न रिक्षा चालकांच्या समोर उभा राहिला आहे.
बोईसर परिसरात लहान व मोठ्या अशा सुमारे पाच हजार रिक्षा असून टाळेबंदीतील नियमांवर शिथिलता आल्यावर रिक्षाच्या आधारावर घरगृहस्तीचा गाडा ओढणारे काही रिक्षा चालक कमी प्रवासी वाहतूक करण्याची परवानगी असताना स्वतःच्या जीवाची परवा न करता रोजगारासाठी बाहेर पडले. दिल्ली सरकार कडून सार्वजिनिक वाहन चालकांना प्रत्येकी पाच हजार देण्यात आले होते. त्यामुळे आता महाराष्ट्रातही सार्वजनिक वाहन चालक सरकार कडून आर्थिक मदतीच्या प्रतिक्षेत आहेत.
■ करोना मुळे लागु झालेल्या टाळेबंदी मुळे गेल्या चार महिन्या पासून रिक्षा चालकांचे हालाकीचे दिवस आहेत. आर्थिक चणचणीला सामोरे जात असताना उपासमारीची वेळ आली आहे. दिल्ली सरकार प्रमाणे अजून महाराष्ट्र सरकारने रिक्षा चालकांना आर्थिक मदत जाहीर केली नाही. शासनाने दोन प्रवासी रिक्षामध्ये भरण्याची परवानगी दिली मात्र आम्हाला ते परवडत नाही. आम्हाला देखील सरकार कडून मदतीची गरज आहे.
–संदीप पाटील. अध्यक्ष, जय महाराष्ट्र रिक्षा चालक मालक संघटना( बोईसर)
