पालघर दर्पण: वार्ताहर
विक्रमगड: वाडा तालुक्यातील कोणसई येथील अंगणवाडी शेजारी असलेले झाड अंगणवाडीवर कोसळल्याने आंगणवाडीचे मोठे नुकसान झाले आहे.
मंगळवारी दुपारी वादळी वाऱ्यासह मुसळधार पाऊस पडत होता. या वादळी वाऱ्यासह आलेल्या पावसामुले कोणसाई येथील अंगणवाडी शेजारी असलेले जुने चिंचेचे झाड उन्मळून अंगणवाडीवर कोसळले. त्यामुळे अंगणवाडीचे पूर्णपणे नुकसान झाले असून पत्रे भिंती देखील पूर्णपणे कोसळल्या आहेत. सध्या कोरोनामुळे अंगणवाडी बंद आहेत तसेच आजूबाजूला कोणी नासल्यामुले कोणत्याही प्रकारची मोठी दुर्घटना आणि जीवितहानी झालेली नाही.
