◾ दहशतवादी संघटनेच्या संपर्कात आलेला बोईसर मधील तरूण राष्ट्रीय तपास संस्था(एनआयए) व आयबी च्या ताब्यात
पालघर दर्पण: हेमेंद्र पाटील
बोईसर: शहरातील एक तरूणांचे थेट दहशतवादी संघटने सोबत संबंध आल्याच्या संशयावरून एका उच्चशिक्षित तरूणाला राष्ट्रीय तपास संस्था(एनआयए) व आयबी च्या टीमने शनिवारी सकाळी ताब्यात घेतले आहे. यातील एक तरूण कुवेत येथे काम करत असताना त्याचा संपर्क दहशतवादी संघटने सोबत झाला असल्याची खात्रीलायक माहिती समोर आली होती. यातच यावेळी आणखी एकाला चौकशी साठी बोईसर मधुन ताब्यात घेतले होते.
राष्ट्रीय तपास संस्था (एनआयए) ने आयएसआय आणि अल कायदा या जागतिक आतंकवादी संघटनेसोबत संबंध असल्याच्या संशयावरून शनिवारी बंगळूरू आणि मुंबई येथे धाडसत्र सुरू केले होते. बोईसर शहरातील सोमनाथ पॅराडाईज येथे राहणारा हमराज शेख (वर २४) नावाचा उच्चशिक्षित मुस्लिम तरूण कुवेत येथे कामाला होता. यावेळी त्यांचा संपर्क दहशतवादी संघटने सोबत झाल्याची खात्रीशीर माहिती केंद्रीय गुप्तचर यंत्रणेला मिळाली होती. यातच या तरूणांचे कुवेत मध्ये ब्रेन वॉश देखील झाले असल्याची माहिती सूत्रांनी कडून प्राप्त झाली आहे. हमराज शेख हा तरूण बोईसर येथील सोमनाथ पॅराडाईज येथे कुटुंबा सोबत राहत होता. तसेच कुवेत वरून एक महिन्यापूर्वी तो बोईसर मध्ये आपल्या घरी आला होता. तसेच अवधनगर येथील एक इसम देखील त्यांच्या संपर्कात होता. राष्ट्रीय तपास संस्था(एनआयए) व आयबी च्या टीमने बोईसरच्या सोमनाथ पॅराडाईज येथून हमराज शेख यांने सकाळी नमाज केल्यानंतर ताब्यात घेतले. तसेच हमराज ला ताब्यात घेतल्यानंतर त्यांच्या संपर्कात असलेल्या आणखी एकाला ताब्यात घेतले असल्याची खात्रीलायक माहिती समोर आली आहे.
राष्ट्रीय तपास संस्थेने संशयित तरूणांना ताब्यात घेतल्यानंतर त्यांना बोईसर पोलिस ठाण्यात नेण्यात आले होते. यावेळी मोठी गुप्तता बाळगण्यात आली होती. तसेच दहशतवादी संघटने सोबत असलेले तरूणांचे संबंध याबाबत कोणत्याही प्रकारची अधिकृत माहिती केंद्रीय गुप्तचर विभागाकडून अद्यापही उघडपणे सांगण्यात आले नाही. हमराज ला शनिवारी सकाळी ८.३० वाजेच्या दरम्यान बोईसर अवधनगर येथील वडीलांच्या चप्पल दुकानात देखील नेण्यात आले होते. हमराज राहत असलेल्या सोमनाथ पॅराडाईज येथील घराची देखील पोलिसांनी तपासणी केली. संध्याकाळी ४ वाजेपर्यंत बोईसर पोलिस स्टेशनच्या बाहेर असलेल्या खोलीत त्याची चौकशी सुरू होती. त्याच्याकडून मोबाईल आणि लॅपटॉप ताब्यात घेण्यात आला असून त्याला अधिक चौकशीसाठी मुंबई येथे नेण्यात आल्याची माहिती समोर आली आहे.
◾हमराज शेख चे कुटुंब हे ३० वर्षापासून बोईसर येथे राहत असून त्याच्या वडीलांचे अवधनगर येथे चप्पलांचे दुकान आहे. हमराजचे माध्यमिक शिक्षण चिन्मय स्कूल येथे तर १० वी ते १२ वी पर्यंतचे शिक्षण टीव्हीएम स्कूल बोईसर येथे झाले आहे. त्याने रुस्तमजी स्कूल डहाणू येथून हॉटेल मॅनेजमेंटची पदवी घेतली असून शिक्षणानंतर तो केरळ आणि सौदी अरेबिया येथे ३ वर्षे नोकरीसाठी गेला होता. मागील नोव्हेंबर महिन्यातच तो भारतात पतला होता.
