दुचाकी घसरल्याने अपघात
पालघर दर्पण: वार्ताहर
पालघर: मुंबई अहमदाबाद महामार्गावर मस्तान नाका उड्डाणकंटेनरच्यापूलाच्या सर्व्हिस रोडवर मिलन हॉटेल समोर रविवारी सकाळी दुचाकीच्या अपघातात एका महिलेचा मृत्यू झाला आहे. शेवंती आरज (वय.४५) असे मयत महिलेचे नाव असून ती मनोर- विक्रमगड रस्त्यावरील नवी दापचरी गावची रहिवासी होती.
रविवारी सकाळी दापचरी गावातील संतोष आरज हातगाडीचा टायर दुरुस्ती करण्यासाठी दुचाकीवरून टेन नाक्यावर जात असताना अपघात झाला. मस्तान नाका येथील सर्व्हिस रोड वर मिलन हॉटेल समोर अवजड कंटेनरला ओव्हरटेक करताना दुचाकी घसरल्याने दुचाकीवर मागच्या सीटवर बसलेल्या शेवंती आरज यांचा कंटेनरच्या टायर खाली चिरडून जागीच मृत्यू झाला. याप्रकरणी मनोर पोलीस ठाण्यात अकस्मात मृत्यूचा गुन्हा दाखल करण्यात आला आहे.
■भरधाव कार दुभाजकात उलटली, एक महिला जखमी
रविवारी सकाळी नऊ वाजताच्या सुमारास महामार्गाच्या मुंबई मार्गिकेवर टेन नाका उड्डाणपूलाच्या उतारावर कार चालकाचे कार वरील नियंत्रण सुटल्याने अपघात झाला होता. अपघातात कार दुभाजकात उलटल्याने कार मधील एक महिला प्रवाशी गंभीर जखमी झाली होती. तिला उपचारासाठी मनोरच्या खाजगी रुग्णालयात दाखल करण्यात आले आहे.