पालघर दर्पण, प्रतिनिधी
राफेल लढाऊ विमाने तयार करणाऱ्या कंपनीचे मालक ओलिवियर दसॉ यांचे निधन झाले आहे. त्यांचे निधन हेलिकॉप्टर अपघातात झाले असल्याचे समोर आले. फ्रान्सचे राष्ट्राध्यक्ष इमॅन्यूएल मॅक्रोन यांनी दसॉ याना श्रद्धांजली वाहिली.
फ्रान्स मधील सर्वात श्रीमंत असणाऱ्या व्यक्तींच्या यादीत ओलिवियर दसॉ यांचे नाव होते. त्यायाच बरोबर ते फ्रान्स च्या संसदेचे सदस्य देखील होते. ओलिवियर दसॉ हे रविवारी आपल्या खासगी हेलिकॉप्टर मधून जात असताना त्यांचा नॉर्मडी परिसरा जवळ अपघात झाल्याने त्यांना मृत्यू झाला. हा अपघात भारतीय वेळ नुसार रात्री १०:३० च्या सुमारास झाला. दसॉ यांच्या मृत्यूची बातमी समजताच फ्रान्स राष्ट्राध्यक्ष इमॅन्यूएल मॅक्रोन यांनी ट्विटरवरून दसॉ याना श्रद्धांजली वाहिली. दसॉ यांच्या हेलिकॉप्टरमध्ये विमान चालक व दसॉ हे दोघेच होते. त्यामुळे हेलिकॉप्टरमध्ये असलेल्या विमान चालकाचा देखील मृत्यू झाल्याचे समोर येत आहे.
