पालघर दर्पण : प्रतिनिधी
दिल्लीतील २६ जानेवारी शेतकरी व पोलीस यांच्यात झालेल्या हिंसाचारात अनेक पोलीस जखमी झाले आहे. यामुळे शेतकऱ्यांवर गुन्हे दाखल झाले असुन आता गाजीपूर बॉर्डरवर तणावाचे वातावरण निर्माण झाले आहे. ६० दिवसांपासुन सुरू असल्या आंदोलनाची जागा शेतकऱ्यांना उत्तर प्रदेश सरकारने खाली करण्यास सांगितले आहे. यावर शेतकरी नेत्यांनी कृषी कायदे रद्द न केल्यास आत्महत्या करेन असा इशारा दिला आहे.
ट्रॅक्टर रॅलीदरम्यान झालेल्या हिंसाचाराबद्दल बर्याच दिल्ली पोलिसांनी अनेक शेतकरी नेत्यांविरूद्ध गुन्हे दाखल केले आहेत. दिल्ली पोलिसांच्या एफआयआरमध्ये योगेंद्र यादव यांच्या नावाचाही समावेश आहे. त्यांच्याशिवाय राकेश टिकैत, सरवनसिंग पंढेर आणि सतनामसिंग पन्नू यांचीही नावं एफआयआरमध्ये नाव आहे.
माध्यमांशी बोलताना भारतीय किसान युनियन नेते राकेश टिकैत यांनी भावुक होऊन शेतकऱ्यांवर अत्याचार होत असून त्यांना उध्वस्त करण्याचं क्षडियंत्र रचला जात आहे असा आरोप केला. व जर जाचक कृषी कायदे सरकारने मागे घेतले नाही तर मी आत्महत्या करेन असा इशारा टिकैत यांनी दिला. सरकारने आमची लाईट-पाण्याची सुविधा तोडली आहे. जर गरज पडली तर गावांमधून आणखी लोक येतील. आम्ही गावांतून पाण्याचे टँकर मागवू. जोपर्यंत सरकार चर्चा करत नाही आम्ही याच ठिकाणी उपोषणाला बसणार आहोत असंही टिकैत यावेळी म्हणाले.
