■ इतके गुन्हेगार एका जेल मध्ये नसतील तितके राष्ट्रवादीत आहेत; निलेश राणेंच ट्विट
पालघर दर्पण : प्रतिनिधी
मुंबई : राष्ट्रवादीतील नेत्यावर बलात्काराचे आरोप तसेच नेत्यांच्या संबंधित लोकांना ड्रग्स प्रकरणी अटक यामुळे राष्ट्रवादी काँग्रेस पक्षावर सध्या भाजप नेते राष्ट्रवादी काँग्रेस वर निशाणा साधताना दिसत आहेत. निलेश राणे यांनी देखील ट्विटर वरून राष्ट्रवादीवर खोचक टीका केली आहे.
धनंजय मुंडे यांच्यावर बलात्काराचा आरोप तर नवाब मलिक यांच्या जावयाला ड्रग्स प्रकरणात अटक केली आहे. त्यामुळे विरोधकांना पक्षावर टीका करण्याची आयती संधी राष्ट्रवादी नेत्यांनी दिली आहे. याच संधीचा फायदा उचलत माजी खासदार व भाजप नेते निलेश राणेंनी ट्विट केले आहे. काय चाललंय महाराष्ट्रात? असा सवाल उपस्थित करून इतके गुन्हेगार एका जेलमध्ये नसतील तितके राष्ट्रवादीत आहेत. अशी खोचक टीका केली आहे.
त्यावर अजित पवार यांनी संताप व्यक्त केला आहे. तसेच ते वाट्टेल ते बोलतात आणि त्याच्यावर मी व्यक्त का व्हायचं, पण एक सांगतो त्या निलेश राणेंच्या डोक्यावर परिणाम झाला आहे. असे प्रतिउत्तर दिले आहे.
