पालघर दर्पण: प्रतिनिधी
बोईसर: विधानसभा निवडणुकीच्या ऐन प्रचारादरम्यान शिवसेनेत प्रवेश केलेल्या कुंदन संखे यांनी आपल्या कामाची वेळी छाप जिल्ह्यात पाडली आहे. यातच आता शिवसेनेची दिनदर्शिका बनविण्यात आली असून त्यांचे प्रकाशन पालघर जिल्ह्याचे शिवसेनेचे संपर्क प्रमुख आमदार रविंद्र फाटक यांच्या हस्ते करण्यात आले आहे.
शिवसेना घरात पोहचायला हवी याच उद्देशाने कुंदन संखे यांनी हजारो दिनदर्शिका बनवून त्यांचे वाटप करण्यात आले आहे. संखे यांनी या आधी जिल्ह्यातील रुग्णांसाठी मोठी अद्यावत सोईने परिपूर्ण अशी रुग्णवाहिका उपलब्ध केली आहे. वर्षभरात अनेकदा रक्तदान शिबिर घेऊन रक्तसाठा शासकिय रक्तपेढीच्या जमा केला आहे. भविष्यात सामाजिक क्षेत्रासाठी आवश्यक असलेल्या समाजसेवा सुरूच राहणार असल्याचे कुंदन संखे यांनी जाहीर केले आहे. दिनदर्शिका प्रकाशन करतेवेळी यावेळी माजी आमदार विलास तरे, जिल्हा प्रमुख वसंत चव्हाण, पंचायत समिती सदस्य मुकेश पाटील, पालघर नगरसेवक चंद्रशेखर वडे, नीलम संखे आदी मान्यवर उपस्थित होते.