■१९ वर्षीय तरुणीवर बलात्कार करण्याचा प्रयत्न, बचावासाठी तरुणीने केला वार;२४ वर्षीय तरुणाचा जागीस मृत्यू.
पालघर दर्पण, प्रतिनिधी
तामिळनाडू तिरुवेल्लूर जिल्ह्यामध्ये एका तरुणीवर बलात्काराचा प्रयत्न केला असता तरुणीने स्वतःच्या संरक्षणासाठी बलात्कार करणाऱ्या तरुणावर चाकुने वार केला असल्याची घटना समोर आली. या दरम्यान त्या तरुणाचा जागीस मृत्यू झाला आहे.
१९ वर्षीय तरुणी रात्री आठ वाजताच्या सुमारास घरापासून लांब झाडाझुडपांमध्ये शौचासाठी गेली असता २४ वर्षीय तरुण एन.अजितकुमार नावाचा मुलगा तरुणीचा पाठलाग करत तेथे पोचला. अजितकुमार हा तरुणीच्या नात्यातला होता. त्याला दोन मुल असून त्याच्या पत्नीपासून तो वेगळा झाला होता. त्याच बरोबर बेरोजगार दारूच्या आहारी गेलेला तरुण होता. अचानक अजितकुमार तरुणीच्या समोर येताच तरुणी घाबरली त्या नंतर तिला चाकूचा धाक दाखवत तिच्यावर बलात्कार करण्याची धमकी दिली. तो स्वतःच्या अंगावरचे कपडे काढू लागला त्यावेळी तरुणीने तिला सोडून देण्याची विनंती केली मात्र तो थांबला नाही. त्या नंतर तरुणीने त्याला जोरात धक्का दिला असून त्याच्या हातातील चाकू खाली पडताच तो चाकू तरुणीने घेतला व स्वतःचे संरक्षण करण्यासाठी तो चाकू घेऊन अजितकुमार वर वार केला. या दरम्यान अजितकुमार या २४ वर्षीय तरुणाचा जागीस मृत्यू झाला आहे. हा घडलेला सर्व प्रकार तरुणीने तेथील पोलीस स्टेशनमध्ये सांगितला. त्यावेळी तिच्यावर गुन्हा दाखल करण्यात आला मात्र कोणालाही अटक करण्यात आली नाही.
