सामाजिक संस्थेकडून गरजूंना मदतीचा हात

पालघर दर्पण: प्रतिनिधी

बोईसर: पालघर मधील कोळगाव वंकास पाडा येथे रे फाउंडेशन, उन्नती फाउंडेशन आणि इनरव्हील क्लब मुंबई एअरपोर्ट यांच्या संयुक्त विद्यमाने आदिवासी कुटुंबातील महिला आणि मुलांना स्वेटर आणि पोषण आहाराचे वाटप करण्यात आले. तसेच शाळेतील मुलांना शैक्षणिक साहित्य ही वाटण्यात आले असून रे फाउंडेशन, उन्नती फाउंडेशन आणि इनरव्हील क्लब मुंबई एअरपोर्ट गेल्या अनेक वर्षापासून पालघर जिल्ह्यातील दुर्गम आणि आदिवासी भागात जाऊन अशा पद्धतीने समाजोपयोगी काम करीत आहेत. यावेळी रे फाउंडेशनच्या ट्रस्टी मानसी गौरव दलाल, उन्नती फाऊंडेशनच्या ट्रस्टी कमलीनी पारेख, विस्तार अधिकारी अमृत ओमतोल, पंचायत समिती सदस्य शैला कोळेकर, उपसरपंच भरत कोलेकर ,पोलीस पाटील चिरंतर संखे आदी मान्यवर उपस्थित होते.