◼मुंबई अहमदाबाद राष्ट्रीय महामार्गावरील
मह‍ालक्ष्मी जवळ धानीवरी रेजमध्ये दुसरी घटना
पालघर दर्पण: प्रतिनिधी
मुंबई अहमदाबाद राष्ट्रीय महामार्गावर वाहनांच्या धडकेत एका तिन वर्षाच्या बिबट्याचा मृत्यू झाला आहे. महामार्गावरील धानिवरी याभागातुन बिबट्या मंगळवारी पहाटे सहा च्या सुमारास मुंबई अहमदाबाद राष्ट्रीय महामार्ग ओलांडुन जात असताना भरधाव वेगाने येणाऱ्या कारची धडक बिबट्याला लागली. अपघात तिन वर्षाचा बिबट्या जागीच ठार झाला असून याच ठिकाणी बिबट्या ठार झाल्याची ही दुसरी घटना आहे.
मुंबई अहमदाबाद राष्ट्रीय महामार्ग हा जंगल असलेल्या भागातून जात असल्याने याठिकाणी वन्यजीव अनेकदा राष्ट्रीय महामार्ग ओलांडून जात असतात. याबाबत बिबट्याची वरदळ असली तरी त्यांचे संरक्षण करण्यासाठी वनविभाग दुर्लक्ष करत असल्याचे अशा घटनेतून दिसुन येते. महामार्गा लगत वारंवार वन्यप्राण्यांचा अपघात होत असल्याने याठिकाणी संरक्षण कुंपण घालणे गरजेचे आहे. मृत झालेल्या बिबट्याचे कासा वनपरिक्षेत्र कार्यालयाजवळ शवविच्छेदन करून त्यावर अंतिमसंस्कार करण्यात आले. तसेच अज्ञात वाहनचालकाविरुद्ध गुन्हा नोंदवण्यात आला आहे.
