पालघर दर्पण : विशेष प्रतिनिधी
जेष्ठ नेते एकनाथ खडसे यांनी भापज ला रामराम ठोकला असून राष्ट्रवादी काँग्रेसच्या दिशेने प्रवास करण्यासाठी तयार असल्याच्या चर्चा माध्यमांवर वाऱ्यासारख्या पसरल्या आहेत. या दरम्यान आता भाजप खासदार नारायण राणे यांचे देवेंद्र फडणवीसांवर आरोप करणारे जुने ट्विट पुन्हा व्हायरल होत आहे.
खडसे यांनी राजीनामा दिला असून शुक्रवारी २ वाजता राष्ट्रवादी काँग्रेसमध्ये प्रवेश करतील असे राष्ट्रवादी काँग्रेस प्रदेशाध्यक्ष जयंत पाटील यांनी सांगितले. या दरम्यान राजीनामा दिल्या नंतर खडसे यांनी माध्यमांशी बोलताना फडणवीसांवर गंभीर आरोप केले. आपण भाजप नेतृत्वावर नाराज नसून देवेंद्र फडणविसांमुळे राजीमना दिला. त्याच बरोबर फडणवीससांनी माझं जीवन उध्वस्त करण्याचा प्रयत्न केला असे देखील ते म्हणाले.
पक्षांतरचा या प्रकरणात बऱ्याच राजकिय नेत्याच्या प्रतिक्रिया येत असून आता भाजप खासदार नारायण राणे यांचे ४ जून २०१६ चे जुने ट्विट मोठ्या प्रमाणावर व्हायरल होत आहे. या जुन्या ट्विटमध्ये राणे यांनी सांगितले की, मुख्यमंत्री देवेंद्र फडणवीस यांनी एकनाथ खडसे यांचा राजकीय बळी घेतला असून भाजपमध्ये बहुजन नेतृत्वाला टार्गेट करण्याचा प्रयत्न सुरू आहे. एका बाजूला एकनाथ खडसेंना क्लिनचीट दिल्याचे सांगतात, तर दुसऱ्या बाजूला दिल्लीत जाऊन खडसेंचा राजीनामा घ्यायची विनंती करतात. या सरकारमध्ये बहुजन समाजाच्या नेत्यांना आतापर्यंत टार्गेट करण्यात आले आहे. असे दिसून येते. हे ट्विट खडसे यांनी राजीनामा दिल्या नंतर व्हायरल होत आहे.
■ खडसेंच्या वक्तव्यावर फडणवीस काय म्हणाले.
नानाभाऊंनी राजीनामा द्यायला नको होता. कोणाला तरी व्हिलन ठरवायचं असत, त्यांनी मला व्हिलन ठरवलं आहे. असे म्हणत योग्य वेळ आल्यावर मी बोलेन. मी त्यांच्यावर कोणत्याही खोट्या केसेस केल्या नाही. त्या केसेसच्या तपशीलात गेला तर तुम्हाला लक्षात येईल.
