◾ पोलिसांनी ताब्यात घेतलेल्या आरोपी कडून दीड लाखाहून अधिक किंमतीचा मुद्देमाल जप्त
पालघर दर्पण: वार्ताहर
नालासोपारा: दिवसेंदिवस घरफोडी चोरीच्या घटना वाढत असताना विरार पोलिसांना एक अट्टल चोरट्याला पकडण्यात यश आले आहे. चोरीच्या घटनांना आळा घालण्यासाठी पालघर पोलीस अधीक्षक दत्तात्रेय शिंदे यांच्या मार्गदर्शनाखाली विरार पोलिसांचे पथक तयार करून गुप्त माहितीच्या सहाय्याने विरार पूर्वेकडील राहणाऱ्या वैजनाथ मारुती सावडे (२४) याला विरार पोलीस ठाण्यात चौकशीसाठी आणले असता त्याचा कडून गुन्हे उघड करून त्याच्याकडून १ लाख ३२ हजार ५०० रुपये किंमतीचे सोन्याचे दागिने तसेच मिररोड व भाईंदर येथून चोरी केलेले २९ हजार ५०० रुपये किंमतीचे मोबाईल फोन असा एकूण १ लाख ६२ हजार रुपये किंमतीचा मुद्देमाल जप्त करण्यात आला असून विरार पोलीस ठाण्यात गुन्हा दाखल करण्यात आला आहे.
