◾ दारू पिण्यासाठी पैसे दिले नसल्याने एकाही हत्या; संचारबंदीत दारू दुकाने सुरू झाल्यानंतर दारूच्या पैशावरून हत्या झाल्याची महाराष्ट्र मधील पहिली घटना
पालघर दर्पण: हेमेंद्र पाटील
बोईसर: संचारबंदी मध्ये शासानाने महसूल मिळावा यासाठी दारूची दुकाने सुरू केली असली तरी दारूसाठी पैसे नसल्याने बोईसर मध्ये एकाची हत्या झाली आहे. चहाची टपरी चालवणाऱ्यां सोबत काम करणाऱ्या इसमाला दारू पिण्यासाठी पैसे दिले नसल्याने झालेल्या हाणामारीत एकाचा मृत्यू झाला. सरकारची तिजोरी भरण्यासाठी सुरू केलेली दारू दुकाने त्यातच आता लोकांन कडे दारू विकत घेण्यासाठी पैसे नसल्याने एकाला जीव गमवावा लागला आहे.
शासनाने दारूची दुकाने सुरू केल्या नंतर दारू पिण्यासाठी पैशाच्या वादातुन बोईसर मध्ये झालेली हत्या ही महाराष्ट्रातील पहिली हत्या आहे. एकीकडे संचारबंदी असल्याने नागरीकांन कडे पैसे नसल्याने दारू पिण्यासाठी आता अनेकांन मध्ये वाद उफाळून येत असल्याचे बोईसर येथील घटनेनंतर समोर आले आहे. बोईसर पालघर रोडवरील राजेश टायरवाला यांच्या दुकाना शेजारी जगनदेव राजभर(55) यांची चहाची टपरी असून रामविलास राजभर(42) हा त्यांचा नातेवाईक त्यांच्या सोबत काम करत होता. संचारबंदी मुळे बंद असलेली दुकाने यातच शासनाने दारूची दुकाने खुली केल्याने आता दारू पिण्यासाठी पैसे नसल्याने वादातुन हत्या झाल्याचा प्रकार घडला आहे.
बोईसर पालघर रोड वर असलेल्या चहाच्या टपरी जवळ बुधवारी सकाळी 12 वाजता चहा टपरी मालक जगनदेव राजभर व त्यांचा सहकारी रामविलास राजभर यांच्या मध्ये सुरूवातीला पैशा वरून वाद झाला यामध्ये रामविलास राजभर याला दुखापत झाली होती. दुखापत झालेला राग मनात ठेवून व दारू पिण्यासाठी पैसे दिले नसल्याचा राग मनात ठेवुन रामविलास यांने दुपारी 4 वाजता दुकानाच्या ठिकाणी येवुन जगनदेव राजभर यांच्या डोक्यात लाकडाचा जोरदार हल्ला केल्याने जगनदेव याचा उपचारादरम्यान मृत्यू झाला.
पोलिसांन कडुन मिळालेल्या माहितीनुसार हे दारूच्या नशेत असल्याचे प्राथमिक तपासात दिसुन आले आहे. आपला नातेवाईक असलेला मालक दारू पिण्यासाठी पैसे देत नसल्याने आरोपी रामविलास राजभर यांने मयत जगनदेव राजभर यांच्या डोक्यावर पाठीमागून बाजूस व उजव्या कानावर फटका मारल्याने गंभीर दु:खापत होवुन रक्तस्राव झाल्याने होता. रस्त्यावर पडलेल्या इसमाची माहिती बोईसर पोलिसांना मिळताच पोलिसांनी लागलीच त्याला उपचारासाठी बोईसर येथील ग्रामीण रुग्णालयात दाखल केले. मात्र उपचार सुरू असताना डाँक्टरांनी त्याला 22.05 वाजता मयत झाल्याचे घोषीत केले. आरोपीला बोईसर पोलिसांनी ताब्यात घेतले असुन बाबत अधिक तपास बोईसर पोलीस करत आहेत.
◾ शासनाने संचारबंदी काळात महसूल मिळावा यासाठी दारूची दुकाने सुरू केली. यातच बोईसर मध्ये दारू पिण्यासाठी व दारू विकत घेण्यासाठी परवाने नसताना देखील उत्पादन शुल्क विभागाच्या अधिकाऱ्यांन समोर दारू विक्री करण्यात आली होती. शासनाच्या नियमानुसार दारू विकत घेण्याचा व पिण्याचा परवाना नसताना देखील नागरीकांना दारू विकणे कायदेशीर गुन्हा आहे. असे असले तरी राज्य उत्पादन शुल्क विभागाच्या अधिकाऱ्यांनी दारू दुकानदारांना दिलेली मोकळीक ही आर्थिक दबावाची बाबत आहे. परवाना विना दारू विक्री करत असल्यानेच काही लोक प्रमाणापेक्षा जास्त दारूचे सेवन करत असल्याने यातुन वाद निर्माण होतात. यामुळे बोईसर मध्ये दारू पिऊन झालेली हत्या याला जबाबदार राज्य उत्पादन शुल्क विभाग धरले तर काही वावगे ठरणार नाही.
