मोठी बातमी!१४ एप्रिल पासून पुढचे १५ दिवस संचारबंदी

◾राज्यात उद्यापासून संचारबंदी; मुख्यमंत्री यांची घोषणा

पालघर दर्पण, प्रतिनिधी

हे पण वाचा

“विकासाच्या गप्पा मारणारे लोकप्रतिनिधी प्रशासन” डुंगी पाड्याला मूलभूत सुविधा कधी पुरवणार ?

वाढवण पोर्टकडून स्थानिकांसाठी स्वतंत्र रस्ता

मुंबई : राज्यात १४ एप्रिल (उद्या) पासुन संचाबंदी लागू होणार आहे. बुधवारी दिनांक १४ एप्रिल रोजी रात्री ८ वाजल्यापासून पुढील १५ दिवसांसाठी संचारबंदी होणार असल्याची घोषणा मुख्यमंत्री उद्धव ठाकरे यांनी केली आहे. याच बरोबर अत्यावश्यक सेवेखाली काय सुरू राहणार तसेच कोणकोणत्या बाबतीत सूट असणार व काय बंद राहील याची देखील माहिती मुख्यमंत्री यांनी सांगितली.

राज्यात फेब्रुवारी २०२१ पर्यंत परिस्थिती ठीक झाली होती परंतू कोरोनाचा नवा विषाणु असा आहे जो वेगाने पसरतो. त्याला थांबवायचे असेल तर काही कडक निर्बंध आवश्यकच असल्याचेही मुख्यमंत्र्यांनी स्पष्ट केले होते. लॉकडाऊन करायचं की कडक निर्बंध या संबंधी सर्वपक्षीय नेते, डॉक्टर, मनोरंजन क्षेत्रातील प्रतिनिधी, तज्ज्ञांशी चर्चा देखील केली. या सर्व चर्चांनंतर मुख्यमंत्री उद्धव ठाकरेंनी आज राज्यातल्या जनतेशी सोशल मीडियाच्या माध्यमातून संवाद साधला. व विनाकारण घराबाहेर पडू नये असे आव्हाहन नागरिकांना केले.

■ मुख्यमंत्री यांची मदतीची घोषणा

नोंदणीकृत घरगुती कामगारांना निधी देण्यात येईल.
परवानाधारक रिक्षा चालकांना १५०० रुपये देण्यात येतील.
नोंदणीकृत फेरीवाल्यांना देखील १५०० रुपये देण्यात येतील.
शिवभोजन थाळी मोफत दिली जाईल.
गरजूंना १ महिन्यासाठी ३ किलो धान्य मोफत दिले जाईल.

■ अत्यावश्यक सेवेखाली काय सुरू राहणार

१) सर्व वैद्यकीय सेवा सुरू राहतील.

२) सार्वजनिक वाहतूक सुरू राहील.

३) दूध, डेअरी ची दुकाने सुरू राहतील.

४) किराणा, बेकरी व फळ विक्री सुरू राहील.

५) प्राण्यांसंदर्भातील सेवा सुरू राहतील.

६) खत दुकाने शीतगृहे व शेतीची कामे सुरू राहतील

७) सर्व बँक सुरू राहतील.

८) माल वाहतूक सेवा सुरू राहतील.

९)टेलिकॉम कंपन्या सुरू राहतील.

१०) पेट्रोलपंप सुरू राहील.

११) एटीएम सुरू राहील.