■उत्तराखंडच्या मुख्यमंत्र्यांनी केले वादग्रस्त वक्तव्य; देशभरात केलं जातोय विरोध
पालघर दर्पण, प्रतिनिधी
उत्तराखंडचे मुख्यमंत्री त्रिवेंद्र सिंह रावत यांनी महिलांच्या कपड्यांवरून वादग्रस्त भाष्य केले होते. महिलांच्या फाटलेल्या जीन्स परिधान करण्यावर रावत यांनी वादग्रस्त भाष्य केले. याचा देशभरातून विरोध दर्शविला जात आहे. सर्व प्रथम अभिनेता अमिताभ बच्चन यांची नात नव्या नवेली नंदा हिने विरोध दर्शवून फाटलेली जीन्स घालुन ट्विटरवर फोटो शेअर केला होता. तर नेहमी वादग्रस्त विधानांसाठी प्रसिद्ध असलेली अभिनेत्री कंगना रणावोतने देखील यावर आपले मत व्यक्त केला आहे.
कंगनाने ट्वीटरवर तिचे काही फोटो शेअर केले आहेत. व कंगना पुढे म्हणते, जर तुम्हाला फाटलेली जीन्स परिधान करायची असेल तर ती तुम्हाला या फोटोमध्ये जसे दिसत आहेत त्याप्रमाणे तुम्ही कूल दिसायला पाहिजे.भिकारी असल्यासारखे नाही या आशयाचे ट्वीट करत कंगनाने त्रिवेंद्र सिंह रावत यांच्या वक्यव्यावर स्वत:चे मत व्यक्त केलं.
■काय होत वादग्रस्त वक्तव्य.
गेल्या काही दिवसांत उत्तराखंडचे मुख्यमंत्री त्रिवेंद्र सिंह रावत यांनी वादग्रस्त भाष्य केले. रावत म्हणाले कीएकदा मी विमानातून प्रवास करत होतो. त्यावेळी मी पाहिलं की, एक महिला आपल्या दोन मुलांना घेऊन जवळच बसलेली होती. त्या महिलेनं फाटलेली जीन्स घातली होती. मी त्या महिलेला विचारलं की कुठे जायचं? यावर ती महिला म्हणाली दिल्लीला. त्या महिलेचा पती जेएनयूमध्ये प्राध्यापक आहे आणि ती महिला स्वयंसेवी संस्था चालवते. माझ्या मनात विचार आला जी महिला एनजीओ चालवते आणि फाटलेली जीन्स घालून फिरते. लोकांना भेटते. अशी महिला समाजात कोणत्या संस्कृतीचा प्रसार करते. जेव्हा आम्ही शाळेत होतो तेव्हा असं नव्हतं असंही रावत म्हणाले.
