पालघर दर्पण : प्रतिनिधी
अभिनेता दिग्दर्शक महेश मांजरेकर यांच्या विरुद्ध यवत पोलीस स्टेशनमध्ये गुन्हा दाखल झाला आहे. सोलापूर-पुणे महामार्गावर एका व्यक्तीला कानाखाली मारल्याने त्या व्यक्तीने पोलीस स्टेशनमध्ये जाऊन गुन्हा नोंदवला आहे.
शुक्रवारी रात्री सोलापूर-पुणे मार्गावर मांजरेकर प्रवास करत होते. त्यादरम्यान समोच्या वाहनाने अचानक ब्रेक दाबला. त्यामुळे मांजरेकर यांनी देखील गाडीचा ब्रेक दाबला. मात्र मागून येणाऱ्या गाडीची मांजरेकर यांच्या गाडीला धडक बसली. गाडीला धडक बसताच मांजरेकर यांचा राग अनावर झाला. व ज्या व्यक्तीने त्यांच्या कार ला धडक दिली त्याला कानाखाली मारले. तसेच नुकसान भरपाईची मागणी केली.
मात्र यावेळी त्या कारला धडक दिलेल्या व्यक्तीने पोलिसांकडे चला असे सांगितल्यावर मांजरेकर त्याला ओरडून तिथून निघून गेले. त्यानंतर या प्रकरणा बाबत कानाखाली मारलेल्या व्यक्तीने मांजरेकर यांच्या विरोधात यवत पोलिस स्टेशनमध्ये मारहाणीचा गुन्हा दाखल केला आहे.
