◾सावरे ग्रामपंचायत हद्दीतील पाचूधारा गावातील दुर्दैवी घटना
पालघर दर्पण: वार्ताहर
मनोर: पाण्याने भरलेली सिमेंटची टाकी फुटून अंगावर पडल्याने मंगळवारी (ता.22) सायंकाळी सावरे गावच्या एका आदिवासी शेतकऱ्यांचा मृत्यू झाला आहे. दशरथ गोविंद पागी (वय.45)असे मयत शेतकऱ्याचे नाव आहे.
मंगळवारी सायंकाळी सावरे ग्रामपंचायत हद्दीतील पाचूधारा येथील शेतकरी दशरथ पागी आपल्या शेतातील भाजीपाला लागवडीला पाणी देण्यासाठी शेतावर गेले होते.मोटार पंपाच्या साहाय्याने पाच हजार लिटर क्षमतेची सिमेंटची पाण्याची टाकी पूर्ण भरल्यानंतर टाकीचा व्हॉल्व उघडताना टाकी फुटून टाकीची भिंत दशरथ पागी यांच्यावर पडली.पाणी आणि भिंती खाली दाबल्याने त्यांचा जागीच मृत्यू झाला.याप्रकरणी मनोर पोलीस ठाण्यात अकस्मात मृत्यूची नोंद करण्यात आली आहे.
