■ खडसे यांचा पक्षप्रवेशाचा मुहूर्त बाकी; माजी मंत्री अर्जुन खोतकर.
पालघर दर्पण : विशेष प्रतिनिधी
गेल्या काही दिवसांपूर्वी भाजपचे जेष्ठ नेते एकनाथ खडसे हे राष्ट्रवादीत प्रवेश करणार अशी सर्वत्र ठिकाणी चर्चा सुरु होती. ही चर्चा वाऱ्यासारखी पसरली असून दोन दिवसांपूर्वी केंद्रीय मंत्री रावसाहेब दावने यांनी खडसे भाजपा सोडून कोठेही जाणार नसल्याचे सांगून चर्चांना पूर्णविऱ्हाम दिला. मात्र शिवसेना माजी मंत्री अर्जुन खोतकर यांनी खडसे पक्षांतरचा विषयावर पुन्हा चर्चा केल्याने खडसे शिवसेनेत प्रवेश करणार आहेत का अशा चर्चना उधाण आले आहे.
एकनाथ खडसे यांच्या विषयी बोलताना अर्जून खोतकर यांनी सांगिले की, खडसे हे भाजप मधून जवळपास बाहेर पडले आहेत. भाजपमध्ये त्यांचे आता काय राहिले आहे? खडसे हे मोठे नेते आहेत. त्यांना त्यांचे भलेबुरे समजते. आता फक्त इकडे जायचे का? तिकडे? हा मुहूर्त ठरवायचा आहे. योग्य पक्षात जातील असे मला वाटते असे विधान खोतकर यांनी केल्याने एकनाथ खडसे नेमके कोणत्या पक्षात जातील याची उत्सुकता सगळ्यांनाच लागलेली आहे.
