पालघर मध्ये अपघातात दुचाकी स्वाराचा मृत्यू

पालघर दर्पण: प्रतिनिधी

पालघर: शहराच्या शिवाजी चौकालगतच्या रेल्वे उड्डाणपूलाजवळ बुधवारी सकाळी भरधाव टॅकरने दुचाकिला धडक दिल्याने अपघात झाला. अपघातात दुचाकीस्वाराचा टॅकरखाली चिरडून जागीच मृत्यू झाला.सुदैवाने दुचाकीवरील दुसरा तरुण बचावला आहे.

पालघर रेल्वे उड्डाणपूलाजवळ बुधवारी 23 सप्टेंबर रोजी पालघरहुन मनोरच्या दिशेने भरधाव वेगाने जात असताना समोरून येत असलेल्या दुचाकीला धडक दिली. या अपघातात झाला दुचाकीस्वार संतोष सुकुर दुबळे (वय.39)याचा टँकर खाली चिरडला गेल्याने डोक्याला गंभीर इजा होऊन जागीच मृत्यू झाला. मयत दुचाकीस्वार पालघर तालुक्यातील शिरगावच्या चुनाभट्टी येथील चांडाळीपाड्याचा रहिवासी होता. याप्रकरणी पालघर पोलीस ठाण्यात गुन्हा दाखल करण्यात आला असून टॅकर चालकाला अटक करण्यात आली आहे.