पालघर दर्पण: वार्ताहर
मनोर: मुंबई-अहमदाबाद महामार्गावरील मेंढवन खिंडीत झालेल्या अपघातात शुक्रवारी 28 आँगस्ट रोजी साडेचार वाजताच्या सुमारास कारचा अपघात झाला होता. या अपघातात आठ वर्षीय लोचन पाटील या मुलगा जागीच मृत्यू झाला असून तो बऱ्हाणपूरचा रहिवासी होता.
पालघर तालुक्यातील ब-हाणपुर गावातील वासुदेव पाटील आपल्या दोन मुलांसह सासुरवाडीला जात असताना मेंढवण खिंडीत त्यांच्या कारचे स्टेरींग लाॅक झाले आणि अपघात झाला. या अपघातात कार दुभाजकाला धडकली आणि कारचा दरवाजा उघडून त्यांचा आठ वर्षीय मूलगा लोचन रस्त्यावर पडला होता. यात डोक्यावर जबर मार लागल्याने त्याचा जागीच मृत्यू झाला. कार चालक वासुदेव पाटील आणि त्यांचा दुसरा मुलगा किरकोळ जखमी झाले आहेत. या अपघातात लहान मुलाचा झालेला दुदैवी मृत्यूने परिसरात हळहळ व्यक्त केली जात आहे.
