◾️मंडळ अधिकारी संजय भंडारी दहा हजाराची लाच घेताना अटकेत; जमिनीच्या सातबाऱ्यात वारस नोंद व कर्जाचा बोजा कमी करण्यासाठी पंधरा हजार रुपयांच्या लाचेची मागणी केली होती
पालघर दर्पण: प्रतिनिधी
पालघर: जमिनीच्या सातबाऱ्यात वारस नोंद व कर्जाचा बोजा कमी करण्यासाठी दहा हजार रुपयांची लाच घेतल्याप्रकरणी तलासरीच्या लाचखोर मंडळ अधिकाऱ्यांला ताब्यात घेण्यात आले आहे. लाचलुचपत प्रतिबंधक विभागाच्या पालघर पथकाने ही कारवाई केली आहे.
तलासरी तालुक्यातील एका जमीनीच्या सातबऱ्यात वारस नोंद केल्याने तसेच सातबाऱ्यातील बँकेच्या बोजा कमी करण्यासाठी संजय भंडारी यांनी तक्रारदार यांच्याकडून पंधरा हजार रुपयांची लाच मागितली होती. तशी तक्रार लाचलुचपत प्रतिबंधक विभागाच्या पालघर पथकाकडे दाखल केली गेली. तक्रारीत तथ्य असल्याची पडताळणी केल्यानंतर पथकाने मंडळ अधिकारी कार्यालयात सापळा रचला. दरम्यान पंधरा हजारपैकी दहा हजारांची लाच भंडारी यांनी गुरूवारी दुपारी स्वीकारली. त्याचक्षणी पोलिस उपअधीक्षक नवनाथ जगताप,पोलीस निरीक्षक
स्वपन बिश्वास,हवालदार नवनाथ भगत, संजय सुतार, विलास भोये, सखाराम दोडे या पथकाने भंडारी याला रंगेहात पकडले व ताब्यात घेतले. पथकामार्फत पुढील कारवाई व गुन्हा दाखल करण्याची प्रक्रिया सुरू आहे.
